مربعات حلوة الترك وحلوة القبعات بعجينة وحدة
مقادير العجينة
250غ مرقرين،5ملاعق كبار عسل،5ملاعق كبار حلوة الترك،5ملاعق كبار كاوكاو مقلي او لوز ومرحي غبرة،مغرف صغيرة خميرة الحلوى ،فرينة.
للتزيين:
معجون+ حلوة الترك+ الكوكاو المرحي او لوز +ملعقة عسل
شكولة.
الطريقة:
نمزج المرقرين مع العسل جيدا ثم نضيف حلوة الترك ونحرك ثم الكوكاو والخميرة ونضيف الفرينة حتى نتحصل على عجينة متماسكة.
نبسطها بالرولو على شكارة باش نحافظو على شكل ديالها وبواسطة طابع مربع نشكل مربعات ونحطها تطيب (ممكن تديري شكل قلب ممكن دائرة الشكل اختياري ) على 180° راقبيها مليح باش ماتتحرقش.
بالنسبة للحشو :
نخلط المعجون مع القليل من حلوة الترك والكوكاو المرحي وملعقة عسل ونحرك جيدا ونلصق كل زوج حبات من الحلوى بالخليط.
نذوب الشكولة على حمام مائي مع القليل من الحليب والزبدة ونغطس الحلوى من فوق فيها ونحطها على مشبك ونحط فوقها حبة لوز
وندير شكولا في ابرة وندير زيقزاق ونخليها تنشف
الان نجوزو للتصاور لسهولة الفهم
.
او الطريقة الثانية نسرحو العجينة على كيس نايلون باش يسهل عمل بها
ونقصها دوائر كبيرة ومتوسطة السمك
ونحطها في بلاطو الى الفرن 180درجة
ونسرح عجينة سمكها خشين نوعا كما فالصورة ونقصها بطابع اقل من الاول
الى الفرن 180درجة
نجهز الحشو وبه نحاول نلصق الدائرة الاولى بالدائرة الفوقانية كيما موضح فالصورة
بالنسبة للتزيين كل واحد واش يحب انا حبيت ندير لهم قلاصاج بدل شكولا باش يبان شكل القبعة
المصدر اناقة مغربية
Comments
Post a Comment